FLASH
Shkruar nga Pamfleti
Një ngjarje e pazakontë ka ndodhur në Shtetet e Bashkuara të Amerikës, ku një 16-vjeçar është rikthyer nga vdekja.
Ngjarja ka ndodhur në Missouri, Teksas, ku Sammy Berko, pësoi një arrest kardiak, teksa ishte duke u ushtruar në një palestër. Stafi në palestër dhe mjekët në spital u përpoqën që ta ndihmonin, por pas dy orësh, familjes iu komunikua se ai ka ndërruar jetë.
Prindërit e tij të shkatërruar, Craig dhe Jennifer Berko, po i jepnin lamtumirë Sammy-t, kur adoleshenti papritmas filloi të lëvizte.
“Fillova të flisja me të, thjesht i thashë se sa shumë e dua dhe më vjen keq që nuk dinim si ta shpëtonim. Papritur, ndërsa fillova të lutesha, im shoq tha: ‘O zot, ai po lëviz’”, tha zonja Berko.
Berko-t, të pushtuar nga emocionet, nxituan të kërkonin ndihmë nga stafi mjekësor, të cilët u habitën kur panë se Sammy ishte me të vërtetë gjallë.
“Mjekët na thanë se nuk kishin parë kurrë diçka të tillë më parë. Kur ndjeva rrahjet e zemrës së tij, ishte diçka që nuk ka fjalë për ta përshkruar”, tha Berko.
Pavarësisht se truri i Sammy-t mbeti pa oksigjen për 5 minuta, ai përjetoi vetëm humbje afatshkurtër të kujtesës. Ai po rikuperohet gjithashtu nga një dëmtim ishemik i shtyllës kurrizore që pësoi.
Prindërit e tij i thanë se gjendja e Sammy-t, ka të ngjarë të ishte shkaktuar nga një gjendje e rrallë gjenetike që i mori jetën vëllait të tij vite më parë. Sammy dhe nëna e tij tani po trajtohen për mutacionin gjenetik të paspecifikuar.
Adoleshenti tani po fokusohet në shëndetin e tij fizik, duke vënë në dukje se përvoja ka qenë “e çmendur”.
“Thjesht ka qenë një përvojë e mrekullueshme këtu në fakt, sikur kam vënë re se jam më mirë çdo ditë! Unë jam duke bërë diçka të re çdo ditë”, tha ai.
Lini një Përgjigje