FLASH
Shkruar nga Pamfleti
Aktori spanjoll Gabriel Guevara, i njohur për rolet e tij në filmin ‘My Fault/Culpa Mia’ dhe versionin spanjoll të serialit Skam, u arrestua në Venecia pasi Franca lëshoi një urdhër arresti ndërkombëtar për të me akuza për abuzim seksual.
Guevara, 22 vjeç, do të merrte një çmim nga festivali Filming Italy për interpretimin e tij në filmin My Fault/Culpa Mia. Organizatorët i thanë agjencisë italiane të lajmeve se ndarja e çmimit u shty deri në përfundimin e hetimeve ndaj tij.
Ansa raportoi se Gabriel Guevara u arrestua nga policia teksa mbërriti në Lido, ku mbahet Festivali i 80-të i Mostra, Festivali Ndërkombëtar i Filmit në Venecia. Një gjykatë italiane do të vendosë në ditët në vijim nëse do ta ekstradojë atë tek autoritetet franceze.
Në një deklaratë, Festivali i Filmit në Venecia sqaroi se Gabriel Guevara nuk ishte në mesin e të ftuarve të tij.
“Me rastin e informacionit të publikuar orët e fundit në disa faqe interneti për arrestimin në Venecia të aktorit spanjoll Gabriel Guevara, Bienalja e Venecias sqaron se prania e tij në Venecia nuk lidhet me asnjë aktivitet apo prodhim të festivalit, thuhet në njoftim.
Lini një Përgjigje