FLASH
Shkruar nga Pamfleti
I pyetur nga gazetarët nëse do të merret një vendim për okupimin e komunave veriore nga Kosova, presidenti i Serbisë, Aleksandar Vuçiç, tha se ky vendim nuk është marrë sepse do të sillte një sërë pasojash të papranueshme, siç është njohja Kosovës si shtet i pavarur.
“Ekspertët tanë ligjorë ishin absolutisht kundër”, tha Vuçiç për opsionin për të shpallur një okupim të një pjese të territorit të Serbisë nga Kosova.
Duke lexuar arsyet pse nuk u bë shpallja e okupimit, tha se në mënyrë analogjie mund të zbatohen disa rregulla për okupim.
“Nëse do të shpallej pushtimi, grupeve të armatosura të shqiptarëve në Kosovë do t'u njihej statusi i një force legale të armatosur”, tha Vuçiç, duke shtuar se kjo është arsyeja kryesore kundër shpalljes së okupimit.
Ai tha se është shumë e rëndësishme që legalizimi dhe legjitimimi i Kosovës të mos ndodhë.
“Okupimi është i mundur vetëm në konfliktet e armatosura ndërkombëtare, që do të thoshte se ne e njohim territorin e Republikës së Kosovës si territor i një shteti tjetër. Prandaj nuk po marrim masa për të shpallur pushtimin”, përfundoi Vuçiç.
Lini një Përgjigje