FLASH
Shkruar nga Pamfleti
Pas incidentit të ndodhur në seancën e sotme në Kuvendin e Kosovës, ku kryeministri i Kosovës Albin Kurtit u godit me grushta, jashtë sallës të Kuvendit është shtuar prezenca e pjesëtarëve të Policisë së Kosovës.
Po ashtu, edhe te shkallët që çojnë në sallën e kuvendit, është pozicionuar sigurimi i kuvendit, të cilët nuk lejojnë lëvizjen.
Disa minuta më parë, gjatë fjalimit të kryeministrit Albin Kurti, deputetë e ministra janë përfshirë në përleshje fizike.
Deputeti i Partisë Demokratike të Kosovës Mërgim Lushtaku, ka hedhur ujë në drejtim të Kurtit dhe zëvendëskryeministrit Besnik Bislimi. Ky i fundit e ka hedhur shishen në drejtim të tij. Më pas, Lushtaku ka shtyrë ministrat Hekuran Murati dhe Albulena Haxhiun.
Ndërkaq, kryetari i Kuvendit të Kosovës, Glauk Konjufca thirri policinë brenda sallës së parlamentit.
Lini një Përgjigje