FLASH
Shkruar nga Pamfleti
Kryeministri i Kosovës, Albin Kurti po vazhdon të qëndrojë i rrethuar nga truprojat e tij në Kuvend, pasi opozita nuk e lejon të dalë jashtë sallës.
Nga pamjet e bëra publike, shihet se deputetët kanë lënë karriget e tyre, ndërsa kryeministri është i rrethuar me truproja.
Kjo situatë, vjen pas përleshjes masive me grushta në Kuvendin e Kosovës, ndërkohë që kryeministri Albin Kurti po mbante fjalim, fillimisht, deputetja e PDK-së, Ganimete Musliu e quajti gënjeshtar.
Më pas, njëra prej deputeteve vendosi një fotografi në foltoren e Kuvendit, ku shihej kryeministri me “hundë të zgjatur”, që simbolizon gënjështrën.
Pas disa sekondave, letra u largua dhe u shqye nga zëvendëskryeministri Besnik Bislimi.
Kjo e acaroi deputetin e PDK-së, Mërgim Lushtaku, i cili hodhi ujë nga një shishe në drejtim të zëvendëskryeministrit Bislimi, dhe më pas, përleshja kaloi mes ministrave dhe deputetit Lushtaku.
Në pamjet direkte, shihet se deputetët janë përleshur me grushta, derisa ka ndërhyrë edhe sigurimi i kryeministrit Kurti.
Kryeministri Albin Kurti sulmohet fizikisht nga kriminelet e opozites pic.twitter.com/eUJ5H7p0Zv
— ???????? (@KryeministriRKS) July 13, 2023
Lini një Përgjigje