FLASH
Shkruar nga Pamfleti
Presidentja e Kosovës, Vjosa Osmani ka zhvilluar një takim në Moldavi me presidentin e Francës, Emmanuel Macron dhe kancelarin gjerman Olaf Scholz, si dhe me përfaqësuesin e lartë për politikë të jashtme të BE-së, Josep Borrell, në kuadër të samitit të Komunitetit Politik Europian.
Me anë të një postimi në rrjete sociale, Osmani është shprehur se gjatë takimit me ndërkombëtarët është diskutuar për ngjarjet e fundit në veri të Kosovës si dhe angazhimin e përbashkët për paqe dhe stabilitet. Më tej, presidentja e Kosovës theksoi se bashkëpunimi me partnerët është kyç.
“Në këtë kohë përcaktuese për sigurinë në rajon e Evropë, bashkëpunimi me partnerët tanë është kyç. Së bashku me Presidentin Emmanuel Macron dhe Kancelarin Olaf Scholz, si dhe me përfaqësuesin e lartë për politikë të jashtme të BE-së, Josep Borrell, diskutuam zhvillimet e fundit në Kosovë dhe angazhimin e përbashkët për paqe, siguri dhe stabilitet”, ka shkruar Osmani.
Lini një Përgjigje