FLASH
Shkruar nga Pamfleti
Mbi 109 persona janë arrestuar lidhur me dyshimet për manipulim me vota në zgjedhjet në komunën e Prizrenit.
Drejtuesi i Prokurorisë Themelore në Prizren, Petrit Kryeziu, tha se 109 persona janë ndaluar lidhur me manipulimin e votave, ndërsa ka sqaruar se katër partitë kryesore në vend “kanë menduar se mund të manipulojnë”.
Kryeziu ka shtuar se manipulimi do të ishte i pamundur po të mos kishte kompromis mes komisionerëve të deleguar nga katër partitë më të mëdha politike.
“Sot 4 prokurorët e krimeve të rënda janë marrë me procese dhe kanë shkuar në stacione policore dhe kanë lëshuar 109 vendime për ndalim, deri tani i kemi 109 të ndaluar për vepra penale të falsifikimit të rezultateve, presion e kanosje dhe dhënie e marrje të ryshfetit. Sot kemi pasur edhe dëshmitarë dhe situata që kanë treguar kush ka marrë dhe nga kush ka marrë ryshfet”, ka thënë ai.
Lini një Përgjigje