FLASH
Shkruar nga Pamfleti
300 trupa nga Mbretëria e Bashkuar kanë mbërritur mbrëmjen e djeshme në Kosovë me një avion që ka ateruar në aeroportin “Adem Jashari” të Prishtinës.
Kontingjenti britanik, nga Regjimenti Mbretëror i Jorkshërit do të dislokohet në Kosovë për ato që misioni paqeruajtës KFOR i cilëson si ushtrime rutinore.
Këto ushtrime do të mbahen nga 18 shtatori deri në fund të tetorit, ka njoftuar KFOR-i nëpërmjet një deklarate, pa dhënë hollësi se në ç’ vend do të zhvillohen ato.
Forcat britanike do të kryejnë një sërë aktivitetesh stërvitore, së bashku me trupat e tjera të KFOR-it, gjatë dislokimit të përkohshëm të tyre.
KFOR-i ka njoftuar se stërvitjet kanë për qëllim “të testojnë procedurat ekzistuese për dislokimin e shpejtë të trupave shtesë dhe integrimin e tyre në kuadër të misionit".
Misioni paqeruajtës i NATO-s në Kosovë ka bërë të ditur, po ashtu, se stërvitjet do të mbështesin gatishmërinë e KFOR-it “për t’iu përgjigjur zhvillimeve relevante të sigurisë”.
UK personnel from the Royal Yorkshire Regiment assigned to NATO reserve forces in support to the #NATO-led #KFOR mission have been temporarily deployed to Kosovo, for a routine Operational Rehearsal Training exercise with other KFOR troops. pic.twitter.com/gtTVbqTKOT
— NATO Kosovo Force - KFOR (@NATO_KFOR) September 18, 2024
Pas lajmeve në mediat serbe se Aleksandër Vuçiç do shpallte të pushtimin e veriut të Kosovës, presidenti para popullit përcolli 7 kërkesa si parakushte të domosdoshme për një përparim domethënës” në procesin e dialogut mes Kosovës dhe Serbisë.
Por kërcënimet për pushtim që përcollën mediat i konfirmoi Presidenti Vuçiç kur tha se ka pasur dilema nëse Serbia duhet të marrë ndonjë veprim sa i përket pushtimit të një pjese të territorit.
“Nuk kemi marrë vendim për pushtimin. Ekspertët tanë ligjorë kanë qenë kundër”, ka thënë ai.
Lini një Përgjigje