FLASH
Shkruar nga Pamfleti
Një përplasje fizike ka ndodhur në Skënderaj, ku kryetari i Skënderajt, Sami Lushtaku, e ka sulmuar fizikisht kryetarin e VV-së në këtë komunë, Hysni Mehani.
Ngjarja ka ndodhur në një lokal, ku zëvendësministri i Financave të Kosovës dhe Hysni Mehani, ishte duke qëndruar së bashku me deputeten Arjeta Fejza dhe aktivistë të tjerë të partisë.
Sipas këtij versioni, Mehani fillimisht është goditur me grusht, ndërsa më pas është goditur edhe me një gotë në kokë. Në incident, sipas deklaratës, është përfshirë edhe një tjetër anëtar i strukturës lokale të LVV-së, i cili ka tentuar të ndërhyjë për të ndalur përshkallëzimin e situatës.
Sami Lushtaku iu afrua Mehanit duke i thënë: “Ku guxon të merresh me mua?”, e më pas dyshohet se e ka goditur me grushte, duke i shkaktuar lëndime dhe gjakosje.
Reagimi:
Sot, në kafeterinë “Solo” në qendër të Skenderajt, është sulmuar brutalisht nga Kryetari i Komunës së Skënderajt Sami Lushtaku dhe truprojat e tij, zëvendësministri i Ministrisë së Financave, kandidati për deputet dhe Kryetari i Qendrës së LVV-së në Skënderaj, Hysni Mehani. Ky sulm fizik ndodhi në kohën kur z. Mehani ishte duke pirë kafe me deputeten Arjeta Fejza dhe aktivistë të LVV-së.
Fillimisht, Hysni Mehani është goditur me grusht, ndërsa më pas edhe me gotë në kokë. Pas përpjekjes së Sekretari të Qendrës, Bahri Zabeli për të parandaluar përshkallëzimin është sulmuar dhunshëm nga shoqëruesit e Sami Lushtakut edhe ai duke pësuar goditje të rënda. Hysni Mehani aktualisht është duke marrë trajtim mjekësor.
Ky sulm fizik bandistesk tregon qartë për se këta njerëz nuk e kanë vendin në udhëheqje të institucione publike qendrore e lokale. Kërkojmë nga organet kompetente të trajtojnë rastin me urgjencë dhe ndërmarrin veprimet e nevojshme ligjore ndaj përgjegjësve. Po ashtu, kërkojmë nga Partia Demokratike e Kosovës dënimin e këtij akti.
Lëvizja VETËVENDOSJE! dënon ashpër këtë sulm fizik, por njëkohësisht u tregon gjithë këtyre se nuk mund ta trembin as ta frikësojnë asnjë aktivistë të Lëvizjes VETËVENDOSJE! e qytetar të Republikës.
Pamje nga vendi i përleshjes së grupit të Sami Lushtakut ndaj kryetarit të Vetëvendosje në Skenderaj, Hysni Mehani:
Lini një Përgjigje