FLASH
Shkruar nga Pamfleti
Kurit ka kërkuar që Serbia të dorëzojë Milan Radoiçiçin, i cili mori përgjegjësinë për sulmin e armatosur të 24 shtatorit të vitit të kaluar në Banjskë, si të vetmen mënyrë për të rinisur dialogun.
Kryeministri i Kosovës, Albin Kurti, ka vendosur një kusht të vetëm për t’u rikthyer në tavolinën e dialogut me Serbinë. Kurit ka kërkuar që Serbia të dorëzojë Milan Radoiçiçin, i cili mori përgjegjësinë për sulmin e armatosur të 24 shtatorit të vitit të kaluar në Banjskë, si të vetmen mënyrë për të rinisur dialogun.
Në një intervistë për “Bloomberg”, Kurti ka kërkuar nga Bashkimi Evropian që të ushtrojë më shumë presion ndaj Beogradit për të ndihmuar në zbutjen e tensioneve me marrëveshjen e normalizimit.
“Është dashur të ndodh dje. Unë besoj se është e mundur”, ka thënë Kurti të mërkurën për “Bloomberg”, intervistë e cila është publikuar sot.
Më tej, Kurti ka theksuar se kritikat e BE-së dhe të vendeve të Amerikës për biznesin që po bën komunitetin serb janë të tepërta.
Kurti mbrojti veprimet e fundit të Qeverisë në veri, duke i quajtur të nevojshme për rivendosjen e rendit dhe ligjit. Ai këmbënguli se veprimet janë të nevojshme për vendosjen e kontrollit mbi zonat me shumicë serbe dhe integrimin e tyre të plotë në sistemet ligjore dhe financiare të Kosovës.
"Ata janë shumë të shqetësuar. Sa herë që ne marrim masa, ka zëra alarmues për përshkallëzim të mundshëm, por ja ku jemi — Kosova është më mirë se kurrë më parë. Përshtypja ime është se pikërisht për shkak se ne jemi të suksesshëm, Beogradi është më nervoz dhe për këtë arsye më agresiv", tha ai.
Nga ana tjetër, presidenti serb Aleksandar Vuçiç ka akuzuar vazhdimisht Kurtin se po i bën presion komunitetit serb që të largohet nga Kosova. Vuçiç kërkoi gjithashtu zbatimin e marrëveshjes së ndërmjetësuar nga BE-ja, sipas së cilës komunitetit serb i lejohet njëfarë autonomie.
Muajin e kaluar, Vuçiçi kërkoi nga Qeveria e Prishtinës mbajtjen e zgjedhjeve lokale në komunat veriore. Ideja është e pasuksesshme për Kurtin. Votimi në komunat veriore do të bëhet vetëm gjatë zgjedhjeve komunale të vjeshtës së vitit të ardhshëm, sipas kryeministrit të Kosovës.
“Vuçiç dështoi, dhe tani ai kërkon që ne ta paguajmë dështimin e tij”, ka theksuar Kurti, duke shtuar se koha kur presidenti serb ka pasur ndikim në punët e brendshme të Kosovës “ka kohë që ka kaluar”.
Sipas një marrëveshjeje të ndërmjetësuar nga BE në 2013, serbët ranë dakord të merrnin pjesë në qeveritë lokale dhe qendrore në Kosovë, por u larguan në vitin 2021 për shkak të diskriminimit të pretenduar dhe që atëherë kanë bojkotuar dy palë zgjedhje.
Nga ana tjetër BE dhe SHBA po përpiqen që të ulin sërish në tavolinën e bisedimeve dy liderët ballkanik me shpresën për të shmangur tensionet e ardhshme dhe mundësin e një konflikti.
Lini një Përgjigje