FLASH
Shkruar nga Pamfleti
Zëvendëskryeministri i Kosovës dhe kryenegociatori, Besnik Bislimi do të raportojë për procesin e dialogut dhe takimet e mbajtura në Bruksel të martën.
Për çfarëdo që është biseduar, ai do të tregojë në Komisionin për Politikë të Jashtme dhe Diasporë.
Raportimi i numrit dy të qeverisë nis në orën 09:00.
Bislimi pati takimi në Bruksel me kryenegociatorin serb, Petar Petkoviç, ku folën për çështjen e implementimit të Marrëveshjes së Ohrit, por edhe për çështje të tjera aktuale.
Ai tha se më 22 prill pritet që të prezantohet një draft fillestar i grupit të menaxhmentit.
Zëvendëskryeministri i Kosovës, Besnik Bislimi dhe shefi i Zyrës për Kosovën në Qeverinë e Serbisë, Petar Petkoviç, janë takuar ditën e hënë në Bruksel, ku kanë diskutuar për hapat e ardhshme në zbatimin e Marrëveshjes për rrugën drejt normalizimit të marrëdhënieve ndërmjet Kosovës dhe Serbisë.
Takimi Bislimi-Petkoviç është i pari pas takimit në Ohër, ku kryeministri i Kosovës, Albin Kurti, dhe presidenti serb, Aleksandar Vuçiç, kanë arritur pajtueshmëri për zbatimin e Marrëveshjes për normalizim të marrëdhënieve.
Kurti dhe Vuçiç janë pajtuar për tekstin e marrëveshjes për normalizim të marrëdhënieve, më 27 shkurt. Me ndërmjetësimin e BE-së dhe mbështetjen e SHBA-së, dy vendet janë në negociata për normalizimin e marrëdhënieve që nga viti 2011.
Ato kanë arritur dhjetëra marrëveshje, por shumica e tyre nuk janë zbatuar dhe palët kanë fajësuar njëra-tjetrën për ngecje.
Lini një Përgjigje