FLASH
Shkruar nga Pamfleti
Kryetari i Kuvendit të Kosovës, Glauk Konjufca, ka pritur sot një delegacion të Këshillit të Ambasadorëve Amerikanë. Konjufca theksoi se takime të kësaj natyre janë mundësi e mirë për të qëndruar më afër njëri-tjetrit dhe për të trajtuar tema që janë me interes vital për rajonin.
“Kryeparlamentari theksoi se kurrsesi nuk do të pranohen modele që kanë për qëllim zhbërjen e shtetit dhe zbehjen e kompetencave ekzekutive brenda territorit të Kosovës”, njofton Drejtoria për Media dhe Marrëdhënie me Publikun në Kuvendin e Kosovës.
Konjufca u shpreh se Kosova është projekti më i rëndësishëm i faktorit ndërkombëtar i fundshekullit 20-të, i cili rezultoi me ndaljen e gjenocidit dhe shtroi rrugën drejt pavarësisë së Kosovës.
“Intervenimi ndërkombëtar dhe pavarësia e Kosovës, nuk ishin vetëm domosdoshmëri e nivelit nacional, por kusht esencial për paqe dhe siguri në rajon dhe Evropë”, tha ai.
Lini një Përgjigje