FLASH
Shkruar nga Pamfleti
Në 11 maj mbahen zgjedhjet parlamentare në Shqipëri, ku për herë të parë të drejtën e votës me postë do e kenë edhe shqiptarët që jetojnë në emigracion.
Dhe duket se procesi i regjistrimit të emigrantëve po ndiqen me vëmendje nga diplomatët e akredituar në Tiranë.
Ambasadori spanjoll Alvaro Renedo Zalba, nga Elbasani pohoi sot se e sheh me rëndësi votën e Diasporës, pasi është e drejtë e çdo shtetasi shqiptarë të votojë, pavarësisht se ku ndodhet.
“Unë e shoh shumë të rëndësishme votën e diasporës në zgjedhjet parlamentare.
Qytetarët që jetojnë jashtë vendit, jashtë Shqipërisë, duhet t’u jepet mundësia të votojnë, siç janë edhe shqiptarët në Spanjë apo në vendet e tjera”, u shpreh diplomati.
Komentin për votën e diasporës ambasadori spanjoll e bëri gjatë një takimi në Universitetin e Elbasanit ku u diskutua për programin e Erasmus +.
Lini një Përgjigje