FLASH
Shkruar nga Pamfleti
Pas daljes nga ambientet e SPAK,ku u mbajt seanca lidhur me aferën Partizani, kreu i PD Sali Berisha ka lëshuar akuza të forta në drejtim të Ulsi Manjës dhe kryeministrit Edi Rama.
Ai akuzoi gjithashtu Ulsi Manjën, të cilin e përmendi me nofkën “Uliziu”, se kishte marrë favore nga Altin Hajri dhe njerëz të lidhur me krimin.
“Krimet e Uliziut që merrte dy kostume të bukura nga Altin Hajri dhe që kërkonte nga banditët dhe trafikantë 500 mijë euro dhe çantën lui viton se i duhej për zonjën", tha Berisha.
Po ashtu Sali Berisha u shpreh se ekziston nje dokument zyrtar që tregon se kryeministri Edi Rama ka firmosur për dhënien e një leje ndërtimi për bashkëshorten e Altin Hajrit.
"E gjithë familja Hajri është subjekt i ligjit antimafia. Siç është Fatmir Xhafaj, Faqezi Xhafaj, i cili ka pafytyrësinë të kryesojë komisionin, në një kohë kur pasuria e tij është vendosur mbi krimin e Gerondit, mbi trafiqet e Gerondit. Por, ligji antimafia në Shqipëri, për shkak të Altin Troplinit, nuk ekziston. Merren me njerëz që u gjejnë ndonjë dozë kokainë kund nëpër xhepa dhe i përplasin në burgje. Ju e dini famozen Erjona Daupaj, ua kam paraqitur këtu regjistrimet e saj, kur ajo me dy prokurorë bën pazare me bandën Çela. Bën pazare se sa do paguanin grupi Toyota Yaris për të marrë mbrapa makinat. Njërit i thotë se a jep 30 mijë, jo i thotë ky, dua 70 mijë. Dhe kur këtë e thirri Altin Troplini, i tha “zotrote, na thuaj pak, kur more në pyetje Ymer Lalën, të rreshtuara 90 pyetje që do i bëje, dhe që ishte arrestuar për vrasje, e pyete për çdo gjë tjetër, por jo vetëm për vrasje. Se ky ishte ushtar i Ymer Lalës. Jo, jo, Ymer Lala i pagoi 1 milionë këtij.
Se të arrestohet Ymer Lala, të akuzohet nga Luftar Reçi për vrasje me dëshmi dhe fakte, dhe ky sot është i lirë, Ymer Lala. Pra, për të gjitha këto, ky donte me çdo kusht t’i zgjatej mandati, i tmerruar. Ky doli me tezën se mandati nuk është i ri. Imagjinoni çfarë koncepti kishte ky puçist. Ky njeri do të zgjasë mandatin se rrëmbeu gazetarin në mes të rrugës. Dhe unë u them ju se pengmarrësi është identik dhe as më pak se përdhunuesi. Pra, ky mori Elton Qynon me kriminelë që urdhëroi, i mori edhe mjetet e punës, dhe pavarësisht nga gjykimet ndërkombëtare, ky ushtar i krimit nuk ia kthente, vetëm e vetëm se ai kishte në regjistrime të dhëna për Ramën dhe Altin Troplinin vetë”, tha Berisha.
Lini një Përgjigje