FLASH
Shkruar nga Pamfleti
Kryetari i PD, Lulzim Basha, ka folur sa i përket votës së diasporës. Ai tha se është një detyrim por Edi Rama nuk e do një gjë të tillë.
Përmes një postimi në rrjete sociale Basha tha se PD është e vetmja forcë politike që ka një propozim konkret për Votën e Diasporës. Ndërsa ditën e djeshme shqiptarë të diasporës, hynë në Kuvend me pankarta dhe protestuan për të drejtën e votës së tyre.
“Edi Rama nuk e do Votën e Diasporës! Partia Demokratike është e vetmja forcë politike që ka një propozim konkret për Votën e Diasporës.
Angazhimi ynë që nga viti 2016 është që emigrantët të votojnë aty ku jetojnë. Vota e diasporës nuk është vetëm një e drejtë kushtetuese, por është përmbushje e një detyrimi ndaj Shqipërisë dhe ndaj shqiptarëve.
Të vendosur që vota e bashkatdhetarëve tanë, që jetojnë në emigracion, të ketë peshë të plotë në vendimmarrje të rëndësishme politike!”, u shpreh Basha.
Lini një Përgjigje