FLASH
Shkruar nga Pamfleti
Nga ndarja e MAGA-s tek kabineti shqiptar: Pse Rama vuri dy ''pastorë'' në ministritë kyçe
Të premten, ndodhi diçka e veçantë në historinë e Shqipërisë post-komuniste: Toni Gogu u emërua ministër i Drejtësisë dhe Ermal Nufi ministër i Mbrojtjes. Të dy janë pjesë e komunitetit protestant ungjillor (Gogu njihet si "Pastor Genti", Nufi predikon në Kishën e Besëlidhjes së Re në Tiranë). Të dy janë pastorë të vetëshpallur.
Shqipëria ka ruajtur me fanatizëm modelin sekular që nga viti 1912. Minaret dhe kambanat kanë ngjyrosur horizontin, por për herë të parë, një ngjyrim i ri besimi përfshihet në kabinetin qeveritar.
Kjo lëvizje nuk është thjesht një ndryshim administrativ. Adresa e saj e vërtetë është Uashingtoni.
Çfarë po ndodh me MAGA-n? Mesazhi që vjen nga republikanët
Për të kuptuar thellësinë e kësaj lëvizjeje, duhet të shohim se çfarë ndodh në Shtetet e Bashkuara, ku kabineti i Donald Trump është rreth 90 për qind ungjillor dhe ku figura si Marco Rubio e Pete Hegseth predikuan në memorialin e Charlie Kirk.
Por brenda lëvizjes ungjillore ekziston një ndarje thelbësore. Në njërën anë janë "zionistët e fortë" që mbështesin Izraelin pa kushte (Trump, Rubio, Hegseth). Në anën tjetër janë "skeptikët", që besojnë se Izraeli është populli i zgjedhur i Zotit por qeveria e tij aktuale ka dalë nga rruga e Zotit.
Tucker Carlson është zëri kryesor i këtij kampit skeptik. JD Vance duket se po përpiqet të përfaqësojë këtë grup (kur shkoi në Jerusalem, ai shkoi në kishë, jo te Muri i Lotëve).
Carlson, Candace Owens dhe të tjerë po krijojnë hapësirë për konservatorët që nuk janë domosdoshmërisht zionistë, por nuk duan të largohen nga partia.
Dilema izraelite dhe zgjidhja e saj
Izraeli ndodhet përballë një paradoksi. Brenda vendit, të krishterët shpesh përballen me ngacmime dhe diskriminim. Por në arenën ndërkombëtare, Izraeli ka nevojë të madhe për mbështetjen e ungjillorëve amerikanë (pa ta, aleanca me SHBA-në humb shtyllën e saj më të fortë).
Zgjidhja? Vendosja e të krishterëve pro-izraelitë në pozicione kyçe diplomatike.
Mike Huckabee është shembulli më i qartë. Ambasadori amerikan nuk është hebre, është pastor ungjillor. Kur ngrihet pyetja "Pse po i trajtoni keq të krishterët në Izrael?", Huckabee del dhe thotë: "Unë jam i krishterë, jam këtu, dhe Izraeli më respekton."
Nuk ka lëvizje shahu më të bukur se ambasadori që i 'bie basit të kishës'.
E njëjta logjikë tani me Ramën
Tani, nëse e kuptuam këtë mekanizëm, na bëhet më e lehtë të lexojmë atë që po ndodh në Tiranë.
Pas arrestimeve dhe akuzave të vazhdueshme për korrupsion, Rama vazhdon të jetë kryeministër. Por diçka ka ndryshuar në strategjinë e tij.
Në momentin që MAGA ngre pyetje mbi qeverisjen dhe besimet fetare në Shqipëri, Rama vendos dy besimtarë ungjillorë në krye të Drejtësisë dhe Mbrojtjes, një lëvizje që lexohet më shumë si mesazh politik sesa si zgjedhje teknike.
Drejtësia dhe Mbrojtja nuk janë porte dytësore. Drejtësia prek reformën që monitorohet nga SHBA dhe BE, marrëdhënien me SPAK-un. Mbrojtja lidhet drejtpërdrejt me NATO-n dhe Pentagonin.
Kur dikush në Uashington pyet "Po ky Rama, a është në linjë me ne?", përgjigja është gati: "Ne kemi dy pastorë në kabinet, madje kemi diskriminim pozitiv për të krishterët."
Në politikë, ndonjëherë njerëzit vendosen pikërisht sepse nuk kanë lidhje me atë që do të bëjnë. Ata vendosen për atë që përfaqësojnë.
Toni Gogu dhe Ermal Nufi nuk janë aty për të reformuar drejtësinë apo për të komanduar ushtrinë. Ata janë aty për t'u parë, për t'u lexuar, për t'u kuptuar.
Një fjali e shkruar për Uashingtonin, pa zhurmë, por me adresë të saktë. /Pamfleti
*Në vijim: Kush janë Toni Gogu dhe Ermal Nufi? Historia e tyre dhe lidhjet me komunitetin ungjillor
JU FALENDEROJ PER NDRIÇIMIN QE NA BENI PAMFLET. VETEM NJE MENDJE DIABOLIKE SI ED RAMA APO HEBRENJTE QE FSHIHEN PAS TIJ SI KESHILLTARE MUND TA LUAJNE KETE LOJE SHAHU TE RAFINUAR DHE ME INTERES TE VETEM MBAJTJEN E PUSHTETIT NGA PALLOSHI QE PER INTERESIN E PUSHTETIN E TIJ JEP E BEN GJITHCKA KA NE KOTECIN E TIJ SHET DHE SHQIPERINE ME GJITHE POPULL E PLACKE. PROBLEMI I MADH QE NE KEMI ESHTE SI DO TJA NDALIM KETE FUXHUT KETIJ GJATOVINE QE SPO I NDAHET PUSHTETIT? KJO ESHT CESHTJA SE KTO MARIFETE TE NDYRA NUK I LE ED RAMA PERSA KOHE KA PUSHTETIN DHE PAGUAN E SHTYP KEDO. PER TE FUTUR NE RRETH TRUMPIN FILLIMISHT JOSHI TE BIJEN ME FALJEN E SAZANIT PER RESORT TURISTIK PA PYET KEND, AS PARLAMENTIN QE ESHTE DETYRIM KUSHTETUES SE PERBEN CENIM TERRITORIAL. NE SHPRESONIM DHE DUAM TE SHPRESOJME QE TRUMP NUK DO TE NDIKOHET LLOMKA SAZAN POR LOJA ME PASTORET QEKA ME E THELLE SE SAZANI PER TE BIJEN. TE LUMT SUMA ED RAMA KUR KE PERBALL SI OPOZITE NJE SAL MORTJE QE NJEJTE SI TI NUK E LSHO VENDIN NE PD DHE MBA PENG OPOZITEN. ZOTI TE RENTE ATJE KU NUK DURON DOT, JA LE ZOTIT NE DORE SE NE POPULLIN NA MASHTRON E SHTYP PA PROBLEM O ED.
Fiks dhe realitet.
O budall,e keqja nuk esht Berisha,e keqja jan ata si ti,qe dhe pse e kuptojn tani qe Rama nuk po i perfaqson por po i zhvat,vazhdojn e mallkojn Salen.O k*ri lales,po ste pelqeu Sala mos voto Ramen,jepja partive te reja.
Në BIBËL thuhet te Luka 18:24 Atëherë Jezusi, kur pa se ai ishte trishtuar shumë, tha: ''Sa është e vështirë për ata që kanë pasuri të hyjnë në mbretërinë e Perëndisë! 25 Sepse është më lehtë që një deve të kalojë nëpër vrimën e gjilpërës, sesa i pasuri të hyjë në mbretërinë e Perëndisë''. ______________________ https://pamfleti.net/anti-mafia/prift-deputeti-toni-gogu-miliona-nga-qielli-duke-iu-lutur-zotit-por-d-i272525____________ https://pamfleti.net/anti-mafia/profili-jashte-veladonit-te-priftit-10-pyetje-deputetit-toni-gogu-per-i271272