FLASH
Shkruar nga Pamfleti
Debati mes anëtarëve të maxhorancës dhe opozitës vijon prej orësh në Komisionin Hetimor të Sterilizimit dhe Check Up-it.
Në komisionin hetimor vijojnë prej orësh diskutimet mes palëve lidhur me kërkesën e ish-ministrit Ilir Beqaj për të dhënë dëshminë e tij shoqëruar me material audioviziv.
Kryetarja e Komisionit, Albana Vokshi në diskutim e sipër me nënkryetarin Plarent Ndreca, i ka kujtuar këtij të fundit se është marrë i pandehur nga SPAK.
“Të jesh i sigurt, se siç ka lëshuar të tjerët do të të lëshojë dhe ty”, i tha Vokshi-Ndrecës. Deputeti socialist iu përgjigj duke i thënë se nuk intimidohet.
Pjesë nga debati
Ndreca: Po bën zhurmuesin. Thjesht të ekspozon që je bolshevik.
Vokshi: Ke fol 20 herë
Ndreca: Prit se kam mbaruar unë. Nëse s’më dëgjon dil jashtë. Përsa kohë kemi një kërkesë, duhet të marrim një vendim. Është thjesht zvarritje dhe nuk e di ku doni ta cojmë.
Vokshi: Ti ku do ta çosh. Duam dëshminë e kontekstualizuar dhe jor prezantimet që vetë Beqaj tha se do ti përgjigjem publikut. Këtu është për tiu përgjigjur pyetjeve tona.
Ndreca: Ta them çfarë dua unë individualisht, pastaj flasim.
Vokshi: Ti e di se çfarë do
Ndreca: Mos ndërhy pra.
Vokshi: Ti smund të flasësh 24 orë.
Ndreca: Sa flas unë, nuk ma jep ti këtë të drejtë të ma përcaktosh, ma ka dhënë tjetër kush
Vokshi: S’e di për sa kohë…
Ndreca: S’ka rëndësi. Aq sa minuta sa është
Vokshi: Se të jesh i sigurt, se siç ka lëshuar të tjerët do të të lëshojë dhe ty. Shko ankohu çoje tek komisioni i Çyrbes.
Ndreca: Nuk impresionohem nga këto intimidime politike. Boll me këto bolshevizma se e ke bërë baltë. Mos mendoni se do të më intimidoni.
Vokshi: Lëre të shkretin të përgjigjet dy gjëra se po e merrni në qafë. Ti je akuzuar për vjedhje.
Ndreca: Po qe kaq trime hajt shihemi në gjykatë. Zonja bolshevike mos u merr me njerëzit, po ti njeh vetëm Sali Berishën.
Lini një Përgjigje