FLASH
Shkruar nga Pamfleti
Deputeti demokrat Asllan Dogjani kishte kërkuar interpelancë me ministrin e Brendshëm, Ervin Hoxha, për rendin dhe sigurinë, vrasjet dhe veçanërisht vetëvrasjen e një 17-vjeçareje në Gjirokastër ditë më parë.
Por teksa kishte kohën 15 minuta për të folur pas ministrit të Brendshëm, ai nisi të përmenddte ngjarjet kriminale, atentatet dhe deri emrat e viktimave.
Por nuk i shpëtoi gafave gjatë leximit të emrave.
Fillimisht ai kujtoi vrasjen e një personi (Bujar Nasufit), por në lapsus tha “vrasja e Fadil Nasufit...”. në sallë për pak sekonda pati ilaritet, pasi Fadil Nasufi është deputet socialist në Parlament, i qarkut të Beratit, ish-kryebashkiak.
Ndërsa të pranishmit shpërthyen në të qeshura dhe i kujtuan gafën, Dogjani kërkoi ndjesë, jo në shqip, por në anglisht:
“Sorry, sorry....” (më vjen keq, ndjesë), tha ai.
Duke vijuar fjalën, teksa të qeshurat e kolegëve vijonin, Dogjani iu drejtua kolegut Nasufi:
“Fadil, do të të zgjatet jeta...”.
Por për të devijuar më tej vëmendjen, duke vijuar edhe batutat në parlament, Dogjani jo pa qëllim kujtoi edhe një ‘viktimë’ tjetër.
“Vrasja e Lulzim Bashës...”, tha ai dhe të qeshurat vijuan. Teksa shtoi: “Këtë e thashë për humor...”.
Më tej vijoi fjalën për përkeqësimin e rendit dhe sigurisë në vend dhe kujtuar emrat e viktimave në qytete.
Lini një Përgjigje