FLASH
Shkruar nga Pamfleti
Ish-kryeministri Sali Berisha ka akuzuar Edi Ramën duke e cilësuar si “atentat të shëmtuar të narkoshtetit ndaj pluralizmit parlamentar”, mosvotimin nga ana e Partisë Socialiste të ndryshimit të anëtarëve të opozitës në Komisionin e Reformës Zgjedhore.
Berisha theksoi se Rama tregoi se nuk pranon pluralitetin e vërtetë në parlament.
"Akti i djeshëm në parlament përbënte atentatin më të shëmtuar të narkoshtetit ndaj pluralizmit parlamentar në 32 vite.
Edi Rama tregoi se nuk pranon pluralitetin e vërtetë në parlament dhe në një akt të pashembullt, në mënyrë absolute në asnjë vend tjetër pluralist, merr përsipër t’i caktojë opozitës, përfaqësuesin që don ai.
Siç bëri në zgjedhjet e 14 majit me kryetarin e koalicionit.Të gjitha këto janë çështje thelbësore të cilave opozita duhet t’u përgjigjet dhe do u përgjigjet.", tha Berisha.
Në një konferencë për mediat, Berisha tha se të vërtetat e PD-së në lidhje me zgjedhjet e 14 Majit janë ceritifikuar nga raporti i OSBE/ODIHR.
Berisha më tej u shpreh se me Ramën nuk ka zgjedhje, teksa shton se thelbi janë protestat e fuqishme.
"Ky raport ka një mesazh për shqiptarët: me Edi Ramën nuk ka zgjedhje, por ka farsë.Akti i djeshëm në parlament përbënte atentatin më të shëmtuar të narkoshtetit ndaj pluralizmit parlamentar në 32 vite. Edi Rama tregoi se nuk pranon pluralitetin e vërtetë në parlament dhe në një akt të pashembullt, në mënyrë absolute në asnjë vend tjetër pluralist, merr përsipër t’i caktojë opozitës, përfaqësuesin që don ai. Siç bëri në zgjedhjet e 14 majit me kryetarin e koalicionit. Të gjitha këto janë çështje thelbësore të cilave opozita duhet t’u përgjigjet dhe do u përgjigjet. Thelbi është me protesta të fuqishme dhe përpjekje të tjera komplekse. Me Edi Ramën nuk ka zgjedhje, nuk ka pluralizëm parlamentar. Ne do i mbrojmë ato.", u shpreh Berisha.
Lini një Përgjigje