FLASH
Shkruar nga Pamfleti
Zv.kryeministrja Belinda Balluku ka mbërritur në Kryeministri, ku do të marrë pjesë në mbledhjen e qeverisë.
Kryeministri Edi Rama ka thirrur një mbledhje qeverie këtë të premte e cila ka nisur që prej orës 10:00.
Ndërkohë, në Këshillin e Mandateve diskutohet kërkesa e SPAK për masë arresti ndaj Zv/Kryeministres dhe Ministres së Infrastrukturës dhe Energjisë, Belinda Balluku.
Dje Gjykata e Posaçme e Apelit la në fuqi masat e sigurisë “ndalim i daljes jashtë shtetit” për zv.kryeministren dhe ministren e Infrastrukturës dhe Energjisë, Belinda Balluku.
Për masën “pezullim nga detyra”, gjykata vendosi të pezullojë shqyrtimin derisa të shprehet Gjykata Kushtetuese. Vendimi për pezullimin e Ballukut u pezullua nga Kushtetuesja, deri në shqyrtimin e kërkesës së dorëzuar nga Këshilli i Ministrave.
Balluku është marrë e pandehur për një tender që lidhet me tunelin e Llogarasë, ndërsa po hetohet edhe për disa lote të ndërtimit të unazës së madhe të Tiranës. Ndërkohë, SPAK ka kërkuar heqjen e imunitetit të deputetes për zv.kryeministren për të dhe dhënien e autorizimit për arrestimin ose heqjen e lirisë së saj.
Lini një Përgjigje