FLASH
Shkruar nga Pamfleti
Nënkryetari i Partisë Demokratike, Roland Bejko ka folur për vizitën e nesërme të Sekretarit Amerikan të Shtetit, Anthony Blinken në Tiranë.
Ai ka thënë se kjo vizitë nuk është “rutinë”, por tejet e rëndësishme dhe e përmasave të mëdha.
Sipas Bejkos qëllimi i vizitës do të kuptohet në një moment tjetër.
“Vizita e sekretarit amerikan të shtetit në Shqipëri duke qenë se kemi të bëjmë me një vend të vogël nuk mund të konsiderohet rutinë por natyrisht të tilla vizita janë si puna e avionit që me sy e shikon tjetër kund dhe zhurma i dëgjohet tjetër kund. Kam përshtypjen se kjo vizitë do jetë e këtyre përmasave.
Gjithmonë vizitat e sekretarëve amerikanë të shtetit që kanë ardhur në Shqipëri në mos drejtpërdrejtë për elitën politike, ka qenë e rëndësishme për popullin shqiptar. Edhe për faktin që Shqipëria do të jetë gjithmonë në agjendën amerikane. Amerikanët, Ballkanin duket sikur e kanë pjesë të politikës së brendshme.
Duan që Shqipëria të dalë nga gropa e gjirizeve të trafiqeve ndërkombëtare dhe t’i kthehet normalitetit. Demokracia e vendeve të rajonit duhet të jetë e garantuar në momentin kur funksionojnë pushtetet. Prandaj është e rëndësishme edhe Reforma në Drejtësi që është bërë në kujdesin e posaçëm të SHBA-ve”, u shpreh Bejko në Report Tv.
Lini një Përgjigje