FLASH
Shkruar nga Pamfleti
Partia Demokratike ka rikthyer akuzat ndaj ish-ministres së Bujqësisë, Frida Krifca.
Zëdhënësja Anti-Korrupsion në PD, Genta Vangjeli në një deklaratë për mediat është ka bërë publike të gjitha shkeljet që janë bërë në lidhje me fondet e BE-së. Po ashtu ajo ka akuzuar Krifcën se noton mbi para bashkë me burrin e saj.
“Ish-ministrja e Bujqësisë, Frida Krifca dhe ish-drejtoresha e AZHBR pas publikimit të skandalit me shpërdorimin e fondeve të BE, nën mbrojtjen e Edi Ramës nuk lihet jashtë radhëve të administratës shtetërore dhe as nuk dorëzohet para drejtësisë. Krifca dhe bashkëjetuesi kanë shtuar pasuritë e tyre gjatë kohës që karriera e znj. Krifca lulëzonte. Kështu bashkëjetuesi deklaron pranë ILDKPI në 2020 tokë të shtuar arë 3 mijë m2 kundrejt vlerës 10 euro m2, ose total vlera 30 mijë euro, vendndodhja Farkë. Fitim neto si subjekt tregtar 7.5 milion lekë ndërkohë që nga data e regjistrimit të këtij biznesi privat v.2019 deri tani nuk ekziston asnjë pasqyrë financiare e publikuar pranë QKB”, tha ajo.
Sipas Vangjelit, biznesi tjetër aktiv i rregjistruar në v.2020 me pronar bashkëjetuesin e znj.Krifca, Lucom Projects shpk që ka të përfshirë në objektin e veprimtarisë edhe aktivitet tregtar të lidhur drejtpërdrejt me bujqësinë ndërkohë që bashkëjetuesja Krifca mbante detyrën zyrtare të Drejtorit të Përgjithshëm të AZHBR-së.
“Lucom Projects shpk rezulton përfitues i fondeve publike konkretisht: Sipas spending data, Bashkia Tiranë ka paguar këtë subjekt kundrejt vlerës totale 11 milion lek për vetëm 2 projekte kulturore “moving city Tirana 2022 dhe 2023”.
Përveç abuzimit me fondet e IPARD, SPAK të hetojë pasuritë e ish-ministres duke vlerësuar shkeljen e ligjit për konfliktin e interesit dhe përfitimin e fondeve publike edhe gjatë kohës së ushtrimit të detyrës shtetërore si ministër i Bujqësisë”, vijoi ajo.
Lini një Përgjigje