FLASH
Shkruar nga Pamfleti
Partia Popullore Europiane e cilëson deklaratën si sulm verbal seksist dhe kërkon respektimin e dinjitetit të grave në politikë.
Partia Popullore Europiane ka reaguaar ndaj një deklarate të bërë në Kuvend nga kreu i grupit parlamentar socialist, Taulant Balla, drejtuar deputetes së opozitës Albana Vokshi. Organizata politike europiane e konsideron gjuhën e përdorur si sulm verbal me përmbajtje seksiste.
Trupi
Në një reagim të publikuar në rrjetet sociale, përfaqësueset e grave të PPE-së shprehin mbështetje për Albana Vokshin, e cila mban edhe detyrën e zëvendëspresidentes në këtë familje politike europiane.
Sipas reagimit, gjatë një seance plenare në Kuvend, Taulant Balla i është referuar deputetes me shprehjen se numri i saj është “0900”, një aludim për një linjë telefonike me përmbajtje seksuale.
PPE e cilëson këtë deklaratë si gjuhë të papranueshme në institucionet demokratike dhe vëren se incidenti nuk u trajtua gjatë zhvillimit të seancës parlamentare.
“Ne, gratë e EPP, dënojmë me forcë sulmin verbal seksist të kryetarit socialist Taulant Balla, drejtuar ndaj Zëvendëspresidentes sonë Albana Vokshi, gjatë seancës së fundit plenare të Parlamenti i Shqipërisë, ku ai sugjeroi se numri i saj është “0900” – një referencë ndaj një linje telefonike seksuale!
Komentet seksiste dhe poshtërimi personal nuk kanë vend në institucionet demokratike. Mosadresimi i këtij incidenti gjatë seancës është i papranueshëm.
Ne qëndrojmë në solidaritet të plotë me Zëvendëspresidenten tonë dhe u bëjmë thirrje të gjithë aktorëve politikë, veçanërisht atyre të shumicës qeverisëse, të përmbahen nga gjuha dhe sjelljet që shkelin dinjitetin dhe të drejtat e grave.
Respekti dhe toleranca zero ndaj seksizmit duhet të udhëheqin institucionet tona politike”, shkruhet në njoftimin e PPE.
Lini një Përgjigje