FLASH
Shkruar nga Pamfleti
Një korrier pëllumb që çon “letra” mesazhesh tek të dy është Sokol Sadushi, me cenin Sadushaj që skema “Sali Rama” e mban aty për ditë të tilla të zeza
Flamur Noka doli me fytyrën e një idioti të lumtur nga godina e Gjykatës së Apelit dhe i krekosur këputi mufkën e radhës: “Më në fund i gjetëm disa gjyqtarë me integritet….” Muli dhe “mulët” e kishin harruar fjalën e udhëheqësit të tyre në takimin me avokatët në 20 qershor 2022.
Sali Berisha deklaroi: “Edi Rama pasi ka përqendruar të gjithë gjykimin e Gjykatës së Lartë në dorë të Sadushit, do ta përqendrojë gjykimin në Apel në dorë të të shoqes së Sadushit, Edlira Petri, e cila edhe sot bën ligjin, bën komunikatat, bën dallditë.
Gjykata e Apelit është e tëra në sundimin e çiftit Sadushit. Muli dhe “mulët” brenda sallës së gjyqit, nuk e dinin që vendimi dhe shpallja e tij ishte sa për “show” sot, me një suspancë disa mujore, pasi ai ishte marrë…që kur Sali Berisha dhe Edi Rama vendosën të komunikojnë me mesazhe përmes ballkonit, meqenëse amerikanët u përgjojnë telefonat.
Mbrëmë vonë në rrugën “Mustafa Matohiti”, aty ku banon Sali Berisha, bëheshin matje për një koreografi të re që duhej shfaqur nesër, pra sot. Ishte koreografi e veçantë feste. Përse?!
Një korrier pëllumb që çon “letra” mesazhesh tek të dy është Sokol Sadushi, me cenin Sadushaj që skema “Sali Rama” e mban aty për ditë të tilla të zeza.
Sadushi dhe e shoqja e tij Edlira Petri, caktuan treshen gjykuese Ahmeti-Bezati-Toro. Sepse shortin e një trupe gjykimi nuk e cakton Zoti, por sistemi shqiptar elektronik.
Sadushi zgjodhi Alma Ahmetin, gjyqtaren e famshme të Kukësit, që në vitin 2018 u sulmua ashpër nga opozita kur, pas protestës në rrugën e Kombit, për vendosjen e trarit tarifor, rrasi në burg 11 protestues demokratë.
Sot ajo dha “drejtësi” për ta që burgosi dikur. Burri i saj, Erjon Ahmeti si një kuadër “socialist” policie është nën hyqmin e Edi Ramës, sa here ky ka nevojë për Almën.
Sadushi përzgjodhi gjyqtaren Iliba Bezatin, kunatën e Kryetares së Veting-ut Pamela Qirko. Praktikisht “kunatën” e Edi Ramës. Këtu nuk ka komente por vetëm gajasje.
Sadushi “shortoi” gjyqtaren Elona Toro, gruan e Alban Toros, anëtarit të Këshillit të Lartë Gjyqësor, i cili u zgjodh me votat e parlamentit të Edi Ramës. Elona Toro është “shortuar” edhe për dosjen “Babale”, pasi Ervin Salianji kërkoi të përjashtohet Edlira Petri.
Salianjit nuk i kanë thënë që, Toro është jo afër por ngjitur me ata që duan në burg.
Ja pra si e mori vulën e PD-së Sali Berisha, me treshen e Ramës dhe teken (Zhukrin) e Salës.
Vallë, a janë kaq budallenj amerikanët që ta hanë këtë skemë “të hollë” të Sali Berishës? Apo debilë janë “Sali Ramët” që mendojnë se ata përtej oqeanit janë të trashë e nuk kuptojnë?
Luli gjysmë ore më pas anonçoi për “lëvizjen” e radhës, të përgatitur ditë më parë…Rama në Asamble do lexojë fjalimin e radhës të përgatitur pardje. Saliu bëri dekorin mbrëmë.
Të gjithë kanë “parashikuar“ vendimin e treshes Rama-Berisha-Sadushi, përveç Mulit dhe “mulëve” që u lejohet të dinë vetëm të brohorasin, duartrokasin e pëllasin për liderin e tyre./Prapaskena
Lini një Përgjigje