FLASH
Shkruar nga Pamfleti
Duke parë që opozita është e përçarë dhe jo kompakte, kryeministri Edi Rama duket i sigurt se do të vijojë të “mbretërojë”.
Partia Demokratike është e ndarë në dy blloqe, pas përplasjeve mes Lulzim Bashës dhe Sali Berishës. Po ashtu Ilir Meta ka marrë malet dhe bërtet e shan lart e poshtë.
Si duket Rama e ka vënë në terezi dhe tani pret që në zgjedhjet që vijnë të marrë më shumë se 74 mandate. Këtë të paktën deklaroi në një intervistë sot.
Kështu kryeministri Rama teksa u ndal te opozita, theksoi se kjo e fundit e ka futur veten në një batak me duart e veta, e për këtë nuk ia ka fajin askush.
“Opozita e futi veten në një batak e nuk ia ka fajin askush. Është thënë një shprehje jep shpirt por nuk heq dorë. Përsërisin të njëjtën gjë”, u shpreh Rama për Report TV.
Sipas Ramës, ai e ka të sigurt një fitore tjetër në vitin 2025, ku rezultati do të jetë më i thellë në dëm të opozitës.
“Kur i sheh të ndarë thua pse janë ndarë? Këta nuk janë të ndryshëm, por janë një. Nëse deri dje ishin bllok kundër meje, tani janë bllok i ndarë në fletë kundër meje dhe fletë që luftojnë me njëra tjetrën për të thënë kush është blloku. Gjithmonë me ultimatum. Nuk do ketë rezultat tjetër në 2025. E vetmja gjë rezultati do të jetë më i thellë në dëm të tyre”, tha Rama.
Lini një Përgjigje