FLASH
Shkruar nga Pamfleti
Deputeti demokrat i Lushnjes, Saimir Korreshi, është filmuar në një situatë të pakëndshme gjatë seancës së kësaj të enjte.
I tërhequr zvarrë nga kolegët e tij teksa u përplasën me Gardën, Korreshi shtrëngon dhëmbët dhe nuk dorëzohet.
Herë pas here lëshon sharje dhe fyerje ndaj punonjësve të Gardës, ndërkohë që mimika e tij tregon se është duke vuajtur .
Skena kaotike janë paraë sot në Parlamentin e Shqipërisë, pasi deputetët e opozitës u përplasën me gardistët në përpjekje për të bllokuar seancën.
Fillimisht ata bllokuan disa prej ulëseve të ministrave, në përpjekje për të mos lejuar ceremoninë e betimit të Avokatit të ri të Popullit, Endrit Shabani, por ai gjithsesi u betua mes flakadanëve, duke u larguar nga salla pasi i dhuroi një puthje deputetëve opozitarë.
Kryetari i Kuvendit, Niko Peleshi, përjashtoi Klevis Balliun dhe Flamur Nokën nga seanca, por sërish nuk u arrit të vihej qetësia. Në këto kushte, socialistët vijuan me votimin e projektligjeve që ishin në rend të ditës, teksa demokratët bënin thirrje kundër qeverisë, Kryeministrit Rama dhe zëvendëses së tij, Belinda Balluku.
Lini një Përgjigje