FLASH
Shkruar nga Pamfleti
Kreu i Demokratëve Euroatlantik Lulzim Basha, ka reaguar ndaj deklaratave të kryeministrit Rama dhe ironive ndaj tij.
Basha u shpreh se sipas kryeministrit, kush nuk vjedh është i paaftë. Ai thekson se në kohën kur drejtonte Bashkinë e Tiranës, nuk kishte projekte korruptive, por investime reale për qytetin dhe qytetarët.
Sipas Bashës, nuk kishte kulla për pastrim parash apo afera të dyshimta, por projekte për rrugë, shkolla, çerdhe dhe një Tiranë më të pastër.
Basha thekson se Rama është kryeministri që ka hyrë në histori për futjen e krimit në qeveri, për bashkëpunimin e tij për të marrë pushtetin dhe për nivelin më të lartë të korrupsionit në Europë.
“Sipas Edi Ramës, kush nuk vjedh është i paaftë. Nëse s’ke vjedhur, s’ke bërë asgjë sipas Ramës.
E vërteta është se, në Bashkinë e Tiranës nuk ka pasur 5D, por ka nisur ndërtimi i Bulevardit të ri të Tiranës.
Nuk ka pasur kulla betoni ku pastrohen paratë e krimit, por ka pasur projekte zhvillimi, rrugë, shkolla, çerdhe, kopshte.
Nuk ka pasur projekte që mbushin xhepat e kryetarit të bashkisë, por projekte që i jepnin zhvillim qytetit dhe dinjitet qytetarëve në çdo cep të kryeqytetit.
Nuk kishte vjedhje me inceneratorë imagjinarë, por projekte për një Tiranë të pastër me kosto të ulëta.
Kryeministri që ka hyrë në histori për futjen e krimit në qeveri, për bashkëpunimin e tij për të marrë pushtetin, për nivelin më të lartë të korrupsionit në Europë, nuk e kupton se:
Është më mirë një tortë për gëzim, apo burg për t’i marrë pronën për kullat ku pastrohen paratë e krimit?
Më mirë siguri përmes NATO-s, apo t’ia dorëzosh qeverinë krimit?
Më mirë t’u japësh qytetarëve lëvizjen e lirë, apo t’i përzësh sepse nuk ia dalin të mbyllin muajin në Shqipëri?
Më mirë t’u japësh rrugë me standarde europiane, apo t’i vjedhësh duke i detyruar të paguajnë taksën e korrupsionit?”, shkruan ai në rrjetet sociale.
Lini një Përgjigje