FLASH
Shkruar nga Pamfleti
Një deklaratë provokuese nga Kryeministri Edi Rama, sipas të cilit grekët nuk janë pasardhës të Aristotelit, ka shkaktuar reagime në Athinën zyrtare, por jo vetëm.
Ministri grek i Shëndetësisë, Adonis Georgiadis, është zyrtari i rradhës që ka reaguar ndaj Kryeministrit Edi Rama.
“Zoti Rama, për fat të keq, ka një problem serioz psikologjik me Greqinë. Ndoshta kur erdhi në Greqi si emigrant i paligjshëm si një piktor i varfër, kur regjimi i Hoxhës kishte rënë, dikush nuk e kishte trajtuar mirë.
Në këtë kuptim, ai ka mirëkuptimin tonë”, u shpreh ministri Georgiadis për median greke Newsbomb.
Në vijim ai shtoi “le t’ia lëmë historinë historianëve. Rama le të merret më shumë me historinë e Shqipërisë, që nga Skënderbeu, dhe le ta lërë të qetë Aristotelin dhe Aleksandrin e Madh”.
Rama reagoi ashpër ndaj një gazetari greko-amerikan, John Defterios, kur ai i shqiptoi gabim emrin.
“Nuk je pasardhës i Platonit dhe Aristotelit siç mendon”, tha Rama, duke iu drejtuar Defterios. Më pas, gazetari u përpoq ta qetësonte atmosferën, duke iu referuar një investimi prej afërsisht 1 miliard në Shqipëri, megjithatë, Rama këmbënguli, duke thënë se “është mbi një miliard”.
“Ju i bëni llogaritë si grekët. Kur flet për paratë e tua, shton tre zero. Kur flet për paratë e të tjerëve, zbret tre zero. Kjo është ajo që bën. Kjo është arsyeja pse Bashkimi Evropian të do kaq shumë”, iu përgjigj Kryeministri.
Lini një Përgjigje