FLASH
Shkruar nga Pamfleti
Deputetja e Partisë Demokratike, Jorida Tabaku ka deklaruar se situata brenda PD-së nuk mund të zgjidhet nga asnjë vendim gjykate.
Në një intervistë për emisionin “Kjo Javë”, ajo tha se është faji i vetë demokratëve që duan të transferojnë krizën te mazhoranca, e cila sipas saj është e kënaqur me këtë situatë dhe kërkon ta zvarrisë sa më shumë.
Ajo shtoi më tej se deputetët e PD kanë shprehur qartësisht vullnetin e tyre për përfaqësimin, duke thënë se Gazment Bardhi ka marrë votën e shumicës për të qenë kreu i grupit parlamentar të PD.
“Këtë nuk e zgjidh asnjë vendim gjykate. Është faji jonë që duam ta transferojmë te mazhoranca që është e kënaqur me këtë situatë dhe kërkon ta zvarrisë. Sot mazhoranca ka interes që debatin mos ta ketë me ne, por ne ta kemi me veten tonë.
Dëshira dhe vullneti i deputetëve ka qenë e qartë për përfaqësimin. Bardhi ka marrë votën e deputetëve që kanë firmosur si shumicë që ai të jetë kryetari i grupit parlamentar. Duhet të shohim fytyrat e ministrave si qeshin që të kuptojmë se beteja jonë e brendshme nuk duhet të bëhet në parlament”, tha ajo ndër të tjera.
Lini një Përgjigje