FLASH
Shkruar nga Pamfleti
Grupi i Rithemelimit ka bërë 3 propozime të reja në lidhje me amnistinë penale, që pritet të jetë gati të hyjë në seancën parlamentare të së enjtes. Sipas propozimit të Rithemelimit, gratë të përfitojnë nga amnistia ulje të dënimit me dy vite, ndërsa burrat 1.5.
Në propozim kërkohet që të zgjatet afati i amnistisë deri në datën 31 mars 2024. Grupi Parlamentar ka propozuar që të përjashtohen nga amnistia për uljen e dënimit, të gjithë të dënuarit nga Gjykata e Posaçme.
Tre propozimet e Rithemelimit:
1. Grupi Parlamentar i Partisë Demokratike ka propozuar që të përjashtohen nga vuajtja e dënimit dhe ndjekja penale të gjithë personat e gjykuar apo hetuar për vepra penale të kryera gjatë grumbullimeve dhe manifestimeve të kryera deri në datën 31 Mars 2024, pavarësisht datës së regjistrimit të tyre.
2. Grupi Parlamentar i Partisë Demokratike ka propozuar përjashtimin nga amnistimi, qoftë sa i përket vuajtjes së dënimit, uljes së dënimit apo ndjekjes penale, të gjithë funksionarët e lartë të hetuar dhe/ose gjykuar nga strukturat e posaçme antikorrupsion apo që janë subjekt i deklarimit të pasurisë, si deputetë apo kryebashkiakë.
3. Grupi Parlamentar i Partisë Demokratike ka propozuar një rritje të masës së përfitimeve nga amnistia, qoftë në drejtim të uljes së dënimit me 2 vite për gratë dhe 1.5 vite për burrat, qoftë në drejtim të datës së dënimit, fillimit të hetimeve apo kryerjes së veprës penale deri në 31 Mars 2024, nga 31 Janari 2024 qê parashikonte versioni aktual i projektligjit
Lini një Përgjigje