FLASH
Shkruar nga Pamfleti
Ditën e sotme është caktuar në Gjykatën e Posaçme Antikorrupsion në Tiranë, seanca e kryetarit të zgjedhur të Bashkisë Himarë, Fredi Beleri.
Gjykimi i çështjes u shty të enjten e kaluar, më 12 tetor, kur avokatët Belerit, të pranishëm në takim, ngritën çështjen e përjashtimit të gjykatës së Etleva Deda, e cila ka vendosur për kërkesat e tjera të të pandehurve lidhur me paraburgimin e tyre si dhe të drejtën e Belerit për t'u betuar si një kryetar bashkie të zgjedhur.
Pavarësisht kundërshtimit të prokurorit të rrethit, gjykata e shtyu gjykimin për ditën e sotme.
Ndërkohë ditën e djeshme, Kryeministri grek Kyriakos Mitsotakis bëri të qartë për mediat shqiptare se kërkon betimin e kryebashkiakut të zgjedhur të Himarës, Fredi Belerit.
Ndërsa merrte pjesë në punimet e Samitit të Berlinit, Mitsotaksi tha se “Fredi Beleri ka të drejtën të betohen ndonëse ndodhet në paraburgim dhe këtë do ta bëj shumë të qartë.”
Ai shtoi se do ta diskutojë këtë çështje me kryeministrin Rama dhe pret që ta zgjidhë në mënyrë miqësore.
“Po do ta diskutoj me kryeministrin Rama çështjen e Fredi Belerit. Qëndrimi ynë këtë çështje ka qenë shumë i qartë. Nuk kam ndërmend të ndërhyj në çështjet e drejtësisë shqiptare, por Fredi Beleri ka të drejtën të betohen ndonëse ndodhet në paraburgim dhe këtë do ta bëj shumë të qartë. Dhe shpresoj shumë që ta zgjidhim këtë çështje në mënyrë miqësore”, tha Mitsotakis.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota.
Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin. Për çështjet e tij është angazhuar edhe qeveria greke e cila e quan arrestimit e tij të paligjshëm e politik.
Lini një Përgjigje