FLASH
Shkruar nga Pamfleti
Kryeministri, Edi Rama, ka përshëndetur marshimin solidarizues të qytetarëve të Kosovës në mbështetje të ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre që ndodhen në Hagë.
Shefi i qeverisë shqiptare ka ndarë foto në faqen e tij zyrtare “Facebook”, ndërsa ato i shoqëron me mbishkrimin “me marshin e drejtësisë”.
Me pankartat “Liria ka emër”, “Nuk mund të gjykoni UÇK-në në emër të popullit, sepse UÇK është vetë populli”, “Të gjithë ata që harrojnë të kaluarën e tyre janë të dënuar ta rijetojnë atë”, pjesëmarrësist bënë thirrje për drejtësi për ish-krerët e UÇK-së, Hashim Thaçin, Kadri Veselin, Rexhep Selimin e Jakup Krasniqin.
Ish-drejtuesit e lartë të Ushtrisë Çlirimtare të Kosovës (UÇK) akuzohen me pretendimin se kanë kryer krime lufte dhe aktualisht ndodhen në paraburgim prej nëntorit të vitit 2020.
Lini një Përgjigje