FLASH
Shkruar nga Pamfleti
Kryeministri Edi Rama, nga takimi në Pogradec, ku po përmbyll fushatën elektorale, tha se Sali Berisha pagoi 6 milionë dollarë për të hequr damkën në ballë.
Lobimin prej 6 milionë dollarësh Rama e ironizoi duke e cilësuar si problemet e një njeriu të pashpresë dhe të dëshpëruar.
“Ka rrëshqitur nuk është më në metro. Tani këtij derëziut dhe punëziut nuk i doli njeri që t’ia heqë të paktën këtë lloj degradimi në sy të njerëzve, por dhe ky nuk është se dëgjon njeri. Ka një hall shumë të madh. E mbani mend kur thoshte që ma vendosi “non gratën” Edi Rama me Sorosin, po tani pse nuk e hoqi “non gratën”?!
Për të hequr damkën, nxori 6 milionë dollarë. 7 herë 7 vajtën 6 milionë. Para e madhe, nga e nxori, ku i gjeti? Këto janë problem të mëdha që flasin për një njeri të pashpresë dhe të dëshpëruar që lufton si i mbyturi që kapet pas fijes së barit. Por, nuk mund të lejojmë ne një njeri të mbytur që mbyt”, tha Rama.
Lini një Përgjigje