FLASH
Shkruar nga Pamfleti
Kandidati opozitar në zgjedhjet e 11 Majit, Lefter Maliqi, ka bërë thirrje për riorganizimin e PD-së pas humbjes së zgjedhjeve.
Ai tha se është kundër dorëheqjes së liderit Sali Berisha, duke shtuar se ai është në mision për votën e lirë.
“Jam kundra zërave për dorëheqjes së liderit Berisha, i cili është në mision për votën e lirë dhe fitoren e opozitës kundër masakrës elektorale.Jam pro riorganizimit, analizës dhe dorëheqjes së disa drejtuesve politikë në qarqe si pjesë e dështimit!” shkruan Maliqi.
Ndërkohë kreu i KQZ-së, Ilirjan Celibashi, ka miratuar rezultatet përfundimtare për të gjitha 12 qarqet e vendit.
Sipas rezultatit të certifikuar, Partia Socialiste ka dalë fituese e zgjedhjeve me 83 mandate, duke siguruar një shumicë të qartë në parlamentin e ri.
Opozita, e përfaqësuar nga koalicioni PD-ASHM, arriti të marrë 50 mandate.
Ndërkohë, shpërndarja e mandateve të tjera është si vijon si më poshtë:
Partia Socialdemokrate (PSD) – 3 mandate
Partia Mundësia – 2 mandate
Nisma “Shqipëria Bëhet” – 1 mandat
Lëvizja Bashkë – 1 mandat
Me këtë vendim, përmbyllet zyrtarisht procesi zgjedhor, ndërsa pritet të nisin procedurat për konstituimin e parlamentit të ri.
Lini një Përgjigje