FLASH
Shkruar nga Pamfleti
Kryeministri Rama tha se i duhet të rrijë edhe pak në pushtet pasi sipas tij ka një mision para dhe është anëtarësimi në BE.
Rama theksoi se kryeministrat shkojnë e vijnë duke shtuar se “më duhet ta përmund këtë mision pasi nuk mund të luaj me fatin”. Kreu i qeverisë tha gjithashtu se është momenti për të marrë hak për të gjitha poshtërimet që i janë bërë në breza kombit shqiptar.
“Kryeministrat shkojnë e kryeministrat vijnë. Mua më duhet të rri edhe pak, dakord, të rri edhe pak sepse duhet ta përmbush këtë mision.
Nuk mund të luaj me fatin, e kemi krijuar këtë fat por edhe na është krijuar ky fat edhe nga rrethanat e Evropës.
Është momenti për të marrë hak për të gjitha poshtërimet që i janë bërë në breza kombit shqiptar, populli shqiptar, nga të huajt dhe nga vetja, më shumë nga vetja se sa nga të huajt. Por sot hakmarrja ka emër, ka destinacion, ka një mision që quhet Shqipëria anëtare e BE”, u shpreh Rama.
Lini një Përgjigje