FLASH
Shkruar nga Pamfleti
Deputeti demokrat, Saimir Korreshi është shprehur se pas asaj që ndodhi me zgjedhjet e 14 majit, PD-ja duhet të vazhdojë pa drejtimin e Sali Berishës, Lulzim Bashës, apo edhe Enkelejd Alibeajt.
Në një intervistë në studion e lajmeve në “Ora News”, Koreshi deklaron se nuk do e dëshironte rikthimin në krye të PD-së të Lulzim Bashës, sipas tij liderët e partive duhet të tregojnë burrëri kur vendosin të ikin nga posti.
“Demokratët duhet të vazhdojnë përpara dhe vetëm duke negociuar mes tyre për bashkimin e tyre. Partia Demokratike duhet të bëjë pa Bashën, Berishën apo Alibeajn. Liderët mendoj se duhet të kenë burrni kur zgjedhin të ikin, pasi shanset që ata të bashkohen me njëri-tjetrin janë zero. Por pyetja që mbetet është se a do të arrijnë demokratët të bashkohen me njëri-tjetrin për zgjedhjet e ardhshme. Pasi nuk ka më logjikë pjesa a bashkohen kryetarët. Sepse kështu siç e kemi nisur ne, Edi Rama do të marrë 100 mandate qeverie”, theksoi Korreshi.
Lini një Përgjigje