FLASH
Shkruar nga Pamfleti
Futja e ish-kryeministrit Sali Berisha në listën e dëshmitarëve ka sjellë debate të forta të mbledhjes së sotme të Komisionit Hetimor për rrjedhjen e rë dhënave nga sistemi “Tims”.
Toni Gogu u përplas me deputetin demokrat Ervin Salianji dhe deklaroi se opozita po përpiqet që të bëhet gjyqtari i Sali Berishës.
Por nga ana tjetër, Salianji i tha se ishin vetë anëtarët socialistë që kërkuan dëshminë e Berishës, Bardhit dhe Bashës.
Teksa socialistët po refuzojnë çdo kërkesë të opozitës, kryetari i Komisionit, Ervin Salianji me ironi i përmendi shkopin e bejzbollit për të mbajtur qetësinë në mbledhje.
Kujtojmë që Salianji ishte shfaqur me shkop bejzbolli në selinë e PD pas protestës së grupimit të Sali Berishës.
Më herët gjatë mbledhjes nënkryetari i Komisionit Hetimor, Toni Gogu, i tha Salianjit se ky komision duhet të qëndrojë në shinat e ligjit dhe se ai s'mund të shndërrohet këtu në gjyqtar të Sali Berishës.
"Është në nderin e këtij komisioni dhe të integritetit tuaj që ne të qëndrojmë në shinat e ligjit. Planin e hetimit në zbatim të ligjit e propozojnë ekspertët.
Natyrisht që edhe ne kemi të drejtë të propozojmë thirrje dëshmitarësh", tha Gogu.
Lini një Përgjigje