FLASH
Shkruar nga Pamfleti
Ish kryeministri Sali Berisha iu përgjigj kreut të qeverisë Edi Rama në lidhje me kërcënimin që ai i bëri kandidatëve të djathtë se nuk do të marrin asnjë fond nëse zgjidhen në krye të bashkive.
Në një intervistë për “Panorama Tv”, Berisha akuzoi Ramën se po përdor fondet e qeverisë në fushatë, duke e bërë garën elektorale të pabarabartë.
“Nëse ti përdor fondet e qeverisë ajo është një garë më e pabarabartë. Po nuk votuat nuk ka fonde. Sikur i ka fondet e të atit xhelat, jo taksat e qytetarëve”, deklaroi Berisha.
Ai shtoi ndër të tjera se qeveria nuk merret me problematikat që ka populli, ndryshe nga kandidatët e “BF” që sipas tij janë përqendruar te problemet e qytetarëve.
“Ata kanë detyra dhe merren vetëm me qytetarët. Ata do flasin për qytetarët. Për programet e tyre. Kjo është një zgjidhje shumë e drejtë. Ata janë përqendruar muaj të tërë në dëgjesa për problemet e qytetarëve. Tani ata kanë bërë llogaritje. Nuk merren me Edi Ramën dhe as me kundërshtarët e tyre në luftë gjelash, Kjo është fushata që bëhet. Unë jam i deyruar të merrem me problematikat e mëdha të vendit për të gjitha bashkitë dhe komunat si shpopullimi, dëshpërimi masiv dhe varfëria”, u shpreh Berisha.
Lini një Përgjigje