FLASH
Shkruar nga Pamfleti
Sekretari për Marrëdhëniet me Publikun në Partinë Demokratike Edvin Kulluri, ka folur për takimin e zhvilluar një ditë më parë nga kryeministri Edi Rama me emigrantë shqiptarë në Athinë.
Sipas tij, takimi ishte pa asnjë vlerë konkrete për emigrantët dhe vetëm shprehje e një nacionalizmi të kotë që nuk i shërben askujt, aq më pak marrëdhënieve me Greqinë.
“Nacionalizmi në Ballkan i shërben atyre fuqive që duan një Ballkan të destabilizuar. Kurti është nacionalist por nuk po zgjidh çështjen e pavarësisë. Nacionalizmi është joshës, por nuk çon askund. Patriotizmi është vlera e vërtetë që të lidh me vendin. por kjo nuk është patriotizëm.
Kur Greqia i hapi dyert shqiptarëve, tha ndonjë faleminderit. Kush i priti shqiptarët e pangrënë, të paveshur në vitet ’90? Greqia. Kujt i krekosesh ti sot në mes të Athinës, se marrëdhënia me Greqinë është shumë komplekse dhe ti nuk mund të ngatërrosh Greqinë si një e tërë me elementë që kanë këtë pikëpamje të gabuar për Himarën. Ti po shkon po i bën sfidë Mitsotakis, po çfarë hyn Shqipëria këtu?
Çfarë hyjnë shqiptarët e Athinës këtu? Ata janë të integruar tashmë dhe janë komuniteti më i mirë i emigrantëve në Greqi. Ishte një muzikë që nuk ka vlerë për t’u dëgjuar, përveçse nga militantët e PS”, tha Kulluri për “Euronews Albania”.
Lini një Përgjigje