FLASH
Shkruar nga Pamfleti
Teksa ka publikuar pamjet nga aksioni për prishjen e ndërtimeve pa leje është rikthyer sërish në Theth, kryeministri Edi Rama ka vijuar retorikën e kërcënimit.
Rama ka paralajmëruar ndërtuesit se kushdo që ndërton pa leje do të gjejë belanë.
Kreu i qeverisë shprehet në Facebook: “Kush ndërton më pa leje, investon vetëm për belanë e vet. Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian”.
Theksojmë që dhjetëra forca policie bashkë me inspektorët e IKMT, IMT të bashkisë, forcat xhenio dhe fadroma mbërritën që në orët e para të mëngjesit të sotëm në fshatin turistik të Thethit duke vijuar aksionin e lënë në mes gjatë verës për prishjen e ndërtimeve pa leje.
Në total janë 8 objekte në listë që priten të shemben fillimisht, godina trekatëshe dhe 7 shtëpiza druri të ndërtuara pa leje për të cilat janë marrë vendimet përkatëse nga IMT.
Çfarë po bën trimi ynë për Tiranën, apo dikush i ka kërkuar Thethin, dhe prandaj është yxhym të shkatërrojë?
Nuk arrij ta kuptoj, sesi mund te besohet dhe te votohet perseri ky monster kryeminister!!!!!!