FLASH
Shkruar nga Pamfleti
Sekretari për Diasporën në PD, Indrit Hoxha ka denoncuar në SPAK kryeministrin Edi Rama për shpërdorim detyre dhe shpërdorim të fondeve për takimet e tij në Diasporë.
Në fjalën e tij për mediat, Indrit Hoxha u shpreh se kryeministri Edi Rama po zhvillon një tur takimesh me diasporën me paratë e taksapaguesve shqiptarë, që sipas tij nuk është normale për sa kohë ai ikën në takime nën petkun e kreut të PS, jo si kreu i qeverisë.
Hoxha ka kallëzuar në SPAK kryeministrin Rama.
“Ftesë për Ramën, nëse ka seriozisht turin le të vijë me mua në kampin në Francë për të parë ku i ka dëbuar shqiptarët. Rama nuk mund të manipulojë shqiptarët, atë që ka bërë me shqiptarët kërkon ta bëjë me diasporën”, u shpreh Hoxha.
Hoxha u shpreh se dëmi ekonomik që i shkaktohet buxhetit nga pesë takimet e planifikuara të Ramës është 2 milionë euro.
“Takimi i Ramës në Greqi u bë me taksat e shqiptarëve. Shifrat kalojnë mbi 2 milionë euro për të pesë takimet që Rama do të zhvillojë, por përveç vlerës ekonomike është edhe përdorimi i administratës. Rama nën në cilësinë e kryetarit të PS jo si kryeministër”, tha Hoxha
Lini një Përgjigje