FLASH
Shkruar nga Pamfleti
Ditën e sotme kryeministri Edi Rama është mburrur për sistemin shëndetësor ku foli për autonominë menaxheriale për QSUNT dhe 4 spitale Rajonale.
Rama si duket ka harruar, se në SPAK disa nga ish ministrat dhe zv.ministrat janë ende me dosje të hapura për afera miliona euro.
Ai për të demostruar, shërbimin në spitalet publike, tha se edhe ministri i Jashëm, bëri një operacion në spitalin e ri të sëmundjeve të brendshme në QSUNT
“Është e disata herë që mblidhemi këtu me ju për arsye të ndryshme, të lidhura me momente zhvillimi në ecurinë e kësaj përpjekje të filluar në kushte, të cilat sot duken sikur nuk kanë ekzistuar kurrë, që sot ngjajnë të paimagjinueshme, që kanë qenë pjesë e trupës mjekësore dhe qytetarëve tanë.
10 vite më parë këto pamje do të ishin thjeshtë dhe vetëm pamje të një dëshire, të një ëndrre që dukej e pamundur të realizohej në një kohë të shkurtër. Sot jemi në stad krejt tjetër, këtë mund ta konfirmoj si një pacient i QSUT.
Jo më larg se pardje ministri i jashtëm bëri një operacion në spitalin e ri të sëmundjeve të brendshme, dhe më shkruan që nuk e besoj dot që është një spital i ri në Tiranë, dhe kështu dëshmojnë shumë njerëz që kanë kaluar në atë spital dhe është një ndër spitalet më të mira të Europës.
Që mjekët të paguhen me një pagë horizontale nga shteti, por cilido prej tyre që punon më shumë, të ketë mundësi të paguhet edhe më shumë. Nuk ka asnjë arsye që shërbimi publik të jetë zgjedhja e parë edhe atyre shqiptarëve që e kanë mendjen te private. Kur ne e filluam këtë rrugë, disa struktura private kishin kushte më të mira, sot nuk është kështu”, tha Rama.
SPAK po heton ish ministrin Ilir Beqaj për korrupsion e shpërdorim detyre.
Me të njëjtin status si Ilir Beqja, është dhe ish ministrja e Shëndetësisë, Ogerta Manastirliu, e kallëzuar nga KLSH, si vazhduese dhe finalizuese e kontratës së koncesionit “Laboratorët Mjekësorë”, në bashkëpunim me përfituesin Janis Karathano.
Lini një Përgjigje