FLASH
Shkruar nga Pamfleti
Kryetarja e Këshillit të Lartë Gjyqësor, Naureda Llagami ka kërkuar ditën e sotme mbështetjen e qeverisë dhe parlamentit për të dalë nga ngërçi i stokut të madh të dosjeve që presin radhën për t’u gjykuar.
“Backlog-u është çështje kombëtare”, tha Llagami teksa raportonte para Komisionit të Ligjeve.
Sipas saj, sistemi gjyqësor ka nevojë për burime njerëzore dhe para.
“Nëse nuk i kemi këto mos pretendoni se gjykatat do të shkojë në uljen e backlog-ut. Nëse ju nuk na mbështesni, nëse ne nuk do të jemi bashkë në këtë sfidë të re... Duhet të jemi të gjithë bashkë për ta luftuar. Nëse nuk kemi mbështetjen e ekzekutivit dhe kuvendit nuk mund të kalojë”.
Llagami tha gjithashtu se gjykata e Apelit të Përgjithshëm sot nuk ka salla gjyqi. “Kemi dy vjet që kërkojmë. E njëjta gjë vlen edhe për gjykatat e tjera në nevojë”, shtoi ajo.
Lini një Përgjigje