FLASH
Shkruar nga Pamfleti
Prania e inerteve në një segment rrugor në njësinë 5 në Tiranë ka sjellë reagimin e deputetit Erion Braçe, i cili kërkon ndërhyrje nga institucionet përgjegjëse.
Braçe njofton se ka dalë në terren si përfaqësues i zonës dhe ka evidentuar grumbullimin e mbetjeve që, sipas tij, qëndrojnë prej rreth tre muajsh dhe vijojnë të shtohen. Ai e përshkruan situatën si problematike për qarkullimin, duke theksuar se bëhet fjalë për një rrugë hyrëse dhe dalëse në zonën e Komunës së Parisit.
Braçe shprehet në këtë segment kalojnë çdo ditë një numër i lartë qytetarësh, ndërsa mungesa e pastrimit ka krijuar pengesa dhe ndotje të vazhdueshme. Deputeti u drejtohet institucioneve që kanë përgjegjësi për menaxhimin e mbetjeve, duke kërkuar ndërhyrje të menjëhershme.
Postimi i Braçes:
Tirana/5sa
Në territor, si deputeti i 5-sës
A ka mundësi mor zot të vini e të pastroni këto inerte që kanë tre muaj këtu e veç shtohen?
Eee si thoni? A vini t’i pastroni?
Është rruga hyrëse e dalëse nga perëndimi i Komunës së Parisit!
Kalojnë qindra mijë njerëz në ditë këtu!
Është turp!
Dhe mos më thoni “ngele rrugëve” se deputeti nuk është tangërllëk, po është punë!
Lini një Përgjigje