FLASH
Shkruar nga Pamfleti
Partia Socialiste i ka propozuar presidentit Bajram Begaj datën 11 Maj për zhvillimin e zgjedhjeve parlamentare të 2025.
Popozimi është bërë nga përfaqësuesit Blendi Klosi dhe Niko Peleshi, pas takimit të zhvilluar me presidentin Bajram Begaj.
“PS është e gatshme të ballafaqohet në çdo moment. Vota e emigrantëve një element i rëndësishëm. Për të pasur më shumë kohë, ne duam që data 11 maj të jetë data e zgjedhjeve. Do të donim që emigrantët të regjistroheshin dhe të përgatiteshin për votimin. Duke i dhënë mundësi çdo emigranti të votojë”, tha Klosi.
Ndërkohë Partia Demokratike ka bojkotuar këtë takim, teksa më herët kreu i grupit parlamentar të PD, Gazment Bardhi e ka cilësuar farsë takimin e datës 25 Nëntor me kreun e shtetit, pasi sipas tij data e zgjedhjeve është caktuar nga Rama-Balla dhe se Presidenti Begaj pritet vetëm të nënshkruajë e vulosë vullnetin e partisë në pushtet.
Presidenti Begaj ndërkohë ka vijuar konsultimet me disa prej drejtuesve të partive parlamentare ku 4 përfaqësuesit e partive të vogla i kanë propozuar datën 4 Maj.
Sot Begaj pritet të presë në zyrë edhe kreun e KQZ-së Ilirjan Celibashi.
Në 21 nëntor presidenti pati takim me Partinë e Lirisë. Ata kërkuan nga presidenti të dekretojë çdo datë që i lejon Kodi Zgjedhor, veç asaj që kërkon PS.
Lini një Përgjigje