FLASH
Shkruar nga Pamfleti
Sekretari Amerikan i Shtetit, Antoni Blinken ka mbajtur fjalën e parë në Tiranë në kuadër të vizitës historike në vendin tonë. Ai mori pjesë në një aktivitet te Pirmadia, e cila u restaurua me fondet amerikane.
Blinken vlerësoi raporte mes dy vendeve duke kujtuar të shkuarën dhe të ardhmen. Ai tha se të dyja vend te do të japin kontribut për ta bërë botën më të sigurt.
“Shekulli i ri, shekulli që vjen do të shohim që vendet tona do të bëjnë botën më të sigurt dhe ju do jeni ata që do ta bëni këtë. Ju jam mirënjohës të gjithë juve këtu dhe shpresoj për të ardhmen tuaj dhe kontributin tuj në ndërtimin e kësaj të ardhme”, tha ai.
Sekretari Amerikan i Shtetit, u shpreh se është krenar për partneritetin Shqipëri-SHBA në mikpritjen e afganëve që u larguan nga Afganistani pasi pushtetin e morën talibanët.
Duke falënderuar Shqipërinë për mikpritjen e afganëve, Blinken tregoi edhe raste të disa prej vajzave afgane të cilat tanimë kanë arritur të shkollohen dhe kanë ide për të hapur bizneset e tyre.
“Disa prej jush keni mirëpritur familjet afgane dhe kjo tregon bujarinë e shqiptarëve dhe mirëpritjen. Nuk është vetëm fakti që ju po i prisni ato me krahët hapur por edhe mënyra sesi po i mirëprisni ata. Dua t’ju them se ishte emocionuese për mua që mes refugjatëve afganë ishin 2 prindër burrë e grua që kishin 5 fëmijë dhe secili prej këtyre 5 fëmijëve ishin numër 1 të klasat e tyre. Por kur talibanët erdhën në fuqi, vajzat nuk mund të shkonin në shkollë. Sidoqoftë ata u përpoqën të gjenin mënyra për t’u dhënë mësim vajzave të tyre. Ato teksa kanë qenë në Shqipëri, kanë mësuar anglisht në mënyrë fluente. Një nga motrat do të jetë në sektorin e modës, tjetra në sektorin e biznesit.
Unë u dhashë ide që të mund të punojnë në biznesin e tyre për modën. Mund të shikoni shpresën e jashtëzakonshme në sytë e tyre, shpresë që ua hoqën talibanët po iu ringjall pasi erdhën në Shqipëri. Jam krenar për partneritetin tonë për të ndihmuar afganët”, tha Blinken.
Lini një Përgjigje