FLASH
Shkruar nga Pamfleti
Pas takimit me Begajn, Blinken do të zhvendoset për një aktivitet tek Piramida, ku është prezent dhe kreu i SPAK, Altin Dumani.
Ka përfunduar takimi i Sekretarit amerikan të shtetit, Antony Blinken me Presidentin e Republikës, Bajram Begaj. Vizita e Blinken në Presidencë ka zgjatur vetëm 10 minuat.
Pas takimit me Begajn, Blinken do të zhvendoset për një aktivitet tek Piramida, ku është prezent dhe kreu i SPAK, Altin Dumani. Ky i fundit pritet të ketë një takim privat me Sekretarin Blinken.
Kujtojmë se prej orës 11:00 të paradites Sekretari amerikan i shtetit, Antony Blinken po zhvillon një vizitë tetë orëshe në Tiranë.
Pas vizitës në Ambasadën Amerikane, sekretari Antony Blinken mbërriti në Presidencë ku zhvilloi një takim me kreun e shtetit, Bajram Begajn.
Pak më herët Ambasada e SHBA-së në Tiranë konfirmoi se Sekretari Amerikan i Shtetit, Antony Blinken do të takohet me drejtues të drejtësisë në vendin tonë.
“Gjatë vizitës së tij të parë në Shqipëri, Sekretari Amerikan i Shtetit, Antony Blinken, do të takohet me Presidentin Bajram Begaj, kryeministrin Edi Rama dhe do të marrë pjesë në një aktivitet të veçantë rinor në Piramidën e Tiranës, duke festuar të ardhmen e marrëdhënieve SHBA-Shqipëri. Ai do të takohet gjithashtu me drejtues të drejtësisë dhe komunitetin e Ambasadës. Na ndiqni gjatë gjithë kësaj vizite historike", njoftoi ambasada.
Në fund Blinken do të takohet me kryeministrin Rama, ku dhe do të mbajnë një konferencë për shtyp.
Lini një Përgjigje