FLASH
Shkruar nga Pamfleti
Ish-kryeministri Berisha e ka nisur fjalimin e sotëm nga ballkoni i banesës duke përshëndetur Ilir Metën dhe Salianjin. Kreu i Partisë Demokratike shprehet se ndodhen në qelinë e diktaturës dhe po qëndrojnë si luftëtarë të pamposhtur.
“Një përshëndetje z. Ilir Meta, kryetar i Partisë së Lirisë në qelitë e diktaturës. Një përshëndetje, nënkryetarit të Grupit Parlamentar të Partisë Demokratike, Ervin Salianji që qëndrojnë si luftëtarë të pamposhtur dhe i kallin tmerrin nga burgjet e diktaturës narkodiktatorit, Edi Rama”, tha Berisha.
Sipas tij, “sido që të shqyrtosh regjimin e Ramës, ai del mashtruesi dhe hajduti më i madh në histori”.
“Në çdolloj pamje që të shqyrtosh regjimin e Edi Ramës, ai del mashtruesi më i madh në histori, del hajduti më i madh në histori.
Këto ditë ai kalon në studio televizive para kamerave dhe rreh gjoksin se, këto 11 vite prodhimi i brendshëm i Shqipërisë u dyfishua, dhe po kështu rritja ekonomike dhe buxheti.
Të dashur miq, për ju dhe të gjithë shqiptarët detyrohem të bëj disa krahasime. Jo, aspak, për të evokuar këtu një kohë të 11-12 viteve më parë. Por po bëj këto krahasime sot këtu, për të faktuar këtu, për t’ju provuar këtu me shifrat e tij, se çdo të thotë të jesh hajduti më i madh i kombit shqiptar në kohëra”, tha Berisha para mbështetësve.
Lini një Përgjigje