FLASH
Shkruar nga Mikaela Sava
Arrestimi i Ilir Metës ka bërë bujë në shumë media ndërkombëtare, veçanërisht në ato greke. Edhe pse kanë kaluar afro dy javë nga arrestimi i tij, gazeta greke “Documento” ka publikuar sot një artikull të gjatë, kushtuar lobimeve të Ilir Metës në SHBA. Artikulli është shoqëruar edhe me dokumente, që tregojnë sipas saj përfshirjen dhe të një avokati grek, i cili është përdorur nga ish-presidenti shqiptar për të fshehur pagesat e majme në SHBA.
Pjesë nga artikulli
Autoritetet shqiptare, teksa po hetonin aktivitetet e ish-presidentit të vendit, Ilir Meta, hasën në një skandal të madh ndërkombëtar që prek edhe Greqinë, pasi i përfshirë është avokati, Heraklis Fidetzis.
Thuhet se ai është “dora” e Metës në kontratat që ka lidhur me një firmë lobimi për të fituar “miqësi” me Amerikën. Bëhet fjalë për një personalitet gri, i cili në të kaluarën ishte paditur nga biznesmeni, Dimitris Kontominas, për një mashtrim hollivudian nga i cili pronari i ndjerë i kanalit grek kishte humbur dhjetëra miliona euro, por ai u shpall i pafajshëm.
Pse ka rëndësi?
“Documento” zbulon detaje të kontratave që tregojnë pazaret e lobistëve të fuqishëm që ndërtojnë karrierë politike me dyer të mbyllura dhe pa barriera.
Ilir Meta, ish-president i Shqipërisë dhe kryetar i Partisë së Lirisë u arrestua për korrupsion, pastrim parash dhe fshehje të të ardhurave. Duke shqyrtuar të gjitha aktivitetet e tij, autoritetet shqiptare u njohën me një skandal ndërkombëtar që prek Greqinë.
Siç u zbulua, avokati grek, Iraklis Fidetzis, për të cilin ishte shkruar në të kaluarën për mashtrim ndaj biznesmenit të madh, pronar i kanalit “Alpha”, Dimitris Kontominas, ishte nyja lidhëse e Metës me presidentin amerikan dhe Kongresin. Fidetzis ishte personi që bëri një marrëveshje me një firmë lobimi, "McKeon Group", në mënyrë që Meta të kishte marrëdhënie me qeverinë amerikane.
Megjithatë, kjo është vetëm maja e ajsbergut në një sistem imponimi dhe manipulimi politik, pasi dominoja e lobimit në favor të Metës nuk ndalet me kaq. Fidetzis si pronar i kompanisë "Dorelita Limited" i dha 600,000 dollarë "McKeon Group" për përfitimin e një partneri të fshehur.
Kush ishte ai?
Fidetzis si pronar i kompanisë "Dorelita Limited" i dha 600 mijë dollarë "McKeon Group" për të mirën e një partneri të fshehur që sipas të gjitha indikacioneve ishte Ilir Meta.
“Documento” nxjerr në dritë këto marrëveshje sekrete që tregojnë edhe njëherë tradhtinë pas fushatave dhe negociatave politike.
Më 20 janar 2017, Ilir Meta ndau një foto të tij dhe të deputetit shqiptar, Petrit Vasili në Uashington për inaugurimin e Presidentit të atëhershëm të SHBA, Donald Trump. Në atë kohë, Meta bëri të ditur se ishte i ftuar në ceremoninë zyrtare të drejtuesve Republikanë të Kongresit dhe Senatit Amerikan. Në fakt, mediat shqiptare miqësore me partinë e Metës raportuan se “prania e Metës dhe Vasilit në inaugurimin e Trump dëshmoi njohjet “e vjetra” të zyrtarëve më të lartë të LSI-së me zyrtarët më të lartë të administratës së re të Donald Trump”.
Megjithatë, e vërteta ishte krejtësisht ndryshe. Prania e Metës në Uashington hapi “Kutinë e Pandorës” dhe ngriti alarmin në Prokurorinë e Posaçme Kundër Korrupsionit (SPAK) të Shqipërisë, si rezultat i të cilit nisi një hetim, i cili më në fund nxori në dritë prova shumë të rënda.
Pas pranisë së Metës fshiheshin mijëra dollarë për një firmë lobimi për të lobuar në Uashington në emër të LSI-së dhe Metës përpara zgjedhjeve parlamentare shqiptare në qershor të vitit 2017.
Lobimi mund të mos jetë i paligjshëm, pasi është një veprim i ligjshëm dhe i institucionalizuar, megjithatë përmes kësaj duket se u shërbejnë interesave të mëdha biznesi dhe politike. Pa mekanizma transparence, ky aktivitet mund të çojë në ushtrimin e ndikimit të padrejtë, konkurrencës së pandershme apo edhe korrupsionit.
Megjithatë, pjesët e çuditshme të marrëdhënies së Metës me Uashingtonin nuk ndalen këtu, pasi skandali nuk kufizohet vetëm në kufijtë shqiptarë, por prek edhe Greqinë përmes pranisë së një “fytyre gri” që kishte pushtuar lajmet greke për një rast të pamundur duke mashtruar biznesmenin e atëhershëm të pushtetshëm D. Kontominas. /Pamfleti
Lini një Përgjigje