FLASH
Shkruar nga Pamfleti
Juristi Kreshnik Spahiu e ka cilësuar të papranueshme që Berishës i jepet kaq shumë hapësirë televizive. Ai tha në një intervistë për Euronews Albania se Sali Berisha kontrollon 90% të hapësirave televizive.
Sipas tij është e pakuptimtë që mediat në Shqipëri bëjnë lajm edhe pjesë që nuk ka arsye për të marrë vëmendje.
“Në cilin vend të planetit pinë kafe dy politikanë, të dy të pandehur, të dy me 5 dosje në prokurori, kanë parkuar makinat përpara zyrës dhe gjithë mediat aty. A ka njeri të më thotë që mediat janë kundër këtyre të dyve [Berisha dhe Meta]. Edhe një kafe që pinë me njëri-tjetrin janë të gjitha kamerat live. Çfarë lajmi përbën? Për çfarëdo që të takohen ata, ata takohen çdo ditë se janë dhe komshinj, të dy vilat i kanë ngjitur në Gjirin e Lalëzit. Ata çdo ditë janë me njëri-tjetrin, për çfarë përbën lajm për mediat shqiptare, për 50 televizione dhe 900 portale që po ti hapni tani thonë ‘e fundit, e jashtëzakonshme, Meta takohet me Berishën’. Se ku është lajmi këtu, vetëm media shqiptare e di”, u shpreh Spahiu.
Lini një Përgjigje